تحيا مصر 

نبدا النهارده اول درس من دروس مصر اللي بتثير احباطنا 

اولا متوسط اعمار الناس اللي طلعت القمر اول مرة كان 24 سنة
متوسط اعمار الناس اللي طلعوا المريخ وبيشتغلوا في ناسا 27 سنة
في السن دا الشباب المصري بيكافح وبيتبهدل علشان يوفر الشقة والمهر والشبكة ومصاريف الفرح والكوافير والتاتو
في السن دا مطلوب من الشباب المصري علي الاقل 5 سنين خبره علشان يشتغل وظيفة تعبانة
في السن ده كل الشباب الطموح الناجح بيتحارب من اصحاب الخمسينات والستينات بحجة يابني انت لسة صغير وماعندكش خبرة
في السن دا الاب والام بياخدول كل القرارات المصيرية وحتي التافهة لولادهم من اختيار شريك الحياة والاصحاب والكلية والوظيفة وحتي اللبس احيانا
في السن دا كل تفكير البلد ازاى يشغلوا الشباب بالرقص والاغاني والكورة علشان ينسوا احلامهم ومستقبلهم
في السن دا الشباب المصري معاه اكتر من خط واكتر من موبايل علشان الموزز الكتير
في السن دا البيت بيكون مليان غم بسبب الواد اللي ماجابش طب وفشل في اختبارات الكليات العسكرية
في السن دا لازم تاخد اهم دروس النفاق علشان تبتدي مشوار النجاح الزائف في عملك
في السن دا معيار الكفاءة في مصر هو بس كيف تستطيع تثبيت كل من حولك والاهم ان لكل مجتهد بمبه في وشه
في السن دا الناجح في مصر هو بس اللي بيلعب كورة او ممثل او مغني او راقصة بترقص
في السن دا اقصي نجاح للشباب المصرى هو حصوله علي الاىفون 5
في السن دا مطلوب منك مش اقل من 500000 علشان تقدر تقرب من بيت حبيبتك تطلب اديها من ابوها
في السن دا حاجات وحاجات كتيرة بعيده كل البعد عن دينا الحنيف اللي بيطبق برة وبيطلعوا به القمر ونسينا ان قادة الفتوحات الاسلامية كانوا في نفس السن دا وعمروا الارض وفتحوها من الشؤق للغرب ومن الشمال للجنوب
انا عشت حاجات كتير في السن دا ولسة بعيشها بس لازم انساه علشان اكمل